Skandali i fundit i familjes Kardashian, ka kohë që ka ndodhur, por falë intensitetit të tij na duket sikur ndodhi dje. Se si është marrëdhënia mes Kylie Jenner-it dhe Jordyn Wood e mësuam dje, por gjërat në klanin Kardashian-Jenner mund të ndryshojnë në çdo sekondë.
Tani, duket se fati është në anën e Jordyn Woods. Kylie mund t’i japë edhe një shans shoqes së zemrës duke e falur, por ka një kusht!
Ajo duhet t’i kërkojë falje (deri në përgjërim) Khloe-s!
Thuhet se miliarderja më e re në botë mund ta kthejë në jetën e saj Woods, por po pret nëse e motra mund ta kapërdijë këtë ngjarje dhe të falë.
“Kylie është akoma duke u përpjekur të kuptojë se çfarë vendi ka tani Jordyn në jetën e saj dhe arsyeja kryesore mbetet Khloe. Ajo do që të tregohet respekt ndaj motrës së saj. Duke e parë që është njeri që fal, Kylie po e vuan shumë dhimbjen që i shkaktoi ajo që e konsideronte si motër.”- janë shprehur burime pranë saj.
Pra, vendimi më i vështirë në gjithë këtë skandal i mbetet Kylie-it. Mes motrës dhe mikes së ngushtë.
Nga ana tjetër, ditëlindja e parë e vogëlushes True po afron dhe fansat janë ndarë në 2 grupe. Ata që e përkrahin vendimin e Khloe-s për të thirrur dhe ish-partnerin tradhtar në festë dhe të tjerë që janë krejtësisht kundër kësaj.
Burimi: Cosmopolitan
