Pasi fajësoi drejtpërdrejt Jordyn Woods- in si shkaktaren kryesore për shkatërrimin e familjes së saj, tanimë Khloe Kardashian ka ndërruar mendje dhe është e bindur se fajin ia ka Tristan- i dhe jo ish- mikesha. Përmes Twitter- it, Khloe- ja u shpreh:
“Kjo ka qenë një javë e tmerrshme dhe e di që çdokush është lodhur duke dëgjuar për gjithë këtë (njësoj si unë). Pushtohem nga emocionet ndaj kam thënë gjëra që s’duhej t’i kisha thënë. Sinqerisht, fakti që Tristan më tradhtoi dhe poshtëroi nuk ishte fort shokuese sa herën e parë.”
Ju kujtojmë se Thompson u kap fillimisht duke tradhtuar prillin e vitit të shkuar teksa u shfaqen disa imazhe të tij nën shoqërinë e disa vajzave, pak para se të vinte në jetë True.
“Ajo që ka qenë më e dhimbshme dhe e rëndë për mua ishte fakti që u lëndova nga një njeri i afërt. Dikush që e desha dhe e trajtova si një motër të vogël. Por Jordyn nuk duhet fajësuar për ndarjen e familjes ime. Ky qe faji i Tristan- it. Unë duhet të vazhdoj me jetën time dhe bekimet e mia, familjen, shëndetin tim dhe bebushen e bukur True.”
Në një intervistë për “Red Table Talk” në Facebook, drejtuar nga Jada Pinkett Smith, Jordyn pranoi se e kishte puthur Tristan- in (vetëm kaq) duke fajësuar veten për faktin që lejoi të ishtë në atë pozicion, më shumë edhe nga ndikimi i alkoolit. Khloe reagoi menjëherë përmes një postimi në Twitter:
“Pse po gënjen Jordyn? Nëse po përpiqesh të shpëtosh veten duke folur publikisht, Në vend që të më telefonosh privatisht për të kërkuar falje, të paktën tregohu e sinqertë. Meqë ra fjala, ti je arsyeja pse familja ime u shkatërrua. Tristan ka po aq faj sa ti, por Tristan është babai i vajzës sime. Pavarësisht çfarë më bën mua, vajza s'ka faj. Ai është marrë me këtë çështje në mënyrë private. Nëse edhe Tristan do gënjente publikisht, atëherë do t'i drejtohesha edhe atij publikisht.”
