Përdorimi i alkoolit gjatë shtatzënisë ka qenë gjithnjë i lidhur me defektet dhe problemet në zhvillim tek të porsalindurit. Tani, studime të kryera së fundmi kanë arritur në përfundimin se ka një lidhje të fortë mes defekteve të zemrës tek foshnjet me çfarë konsumon babai, të paktën 3-6 muaj para ngjizjes.

Krahasuar me ata që nuk pijnë, baballarët që konsumojnë pije alkoolike të paktën 3 muaj para se fetusi të krijohet, kanë 44% më shumë shanse të lindin fëmijë me probleme në zemër.

Kjo për shkak se alkooli shkakton ndryshime në ADN dhe më tej në aktivitetin dhe cilësinë e spermës.

Kurse nënat që pijnë shumë alkool brenda një kohe të shkurtër para ngjizjes, i rrezikojnë foshnjet e tyre me 16% më tepër krahasuar me ato që s'pinë.

Konsumi i tepërt i alkoolit është një rrezik i madh që jo vetëm rrit shanset që foshnja të dalë me defekte në zemër, por dëmton edhe vetë shëndetin tuaj.

Sigurisht që askush nuk mund ta parashikojë në ç'moment mund të ngjizet një fëmijë, por për të qenë të sigurtë, por ekspertët sugjerojnë se burrat duhet të heqin dorë nga konsumi i alkoolit të paktën 6 muaj para fertilizimit, kurse gratë 1 vit para. Dhe sigurisht, ta shmangin në mënyrë kategorike gjatë shtatzënisë.

Në studimet e mëparshme, konsumi i alkoolit gjatë kohës që çiftet mendonin për një bebe dhe defektet e zemrës i adresoheshin nënave, por në studimet e fundit ky ndikim është më i fortë tek babai. Defektet në lindje ndodhin në 1 nga 33 bebe dhe problemet me zemrën, janë më të shpeshtat.

Burimi: CNN