Në fund të muajit gusht, kur fëmijët ende nuk bindeshin të braktisnin plazhet dhe kalatë në rërë, ndërsa prindërit fillonin përgatitjet për vitin e ri shkollor, në zemër të Tiranës ndodhi diçka ndryshe. Në TEG, nisi të ngrihej një skenë. Jo për koncerte, jo për promocione, por për diçka më të rrallë për një qendër tregtare: një konkurs talentesh për fëmijë.
Në vend të dritave të studios televizive, ishin dritaret e dyqaneve. Në vend të prozhektorëve profesionale, ndiçonin sytë e fëmijëve dhe telefonat që regjistronin. Dhe më 29 gusht, me shpalljen e audicioneve të hapura për “TEG TALENT”, më shumë se 300 fëmijë nga e gjithë Shqipëria aplikuan për të sjellë zërat, ëndrrat, emocionet dhe energjinë e tyre në këtë skenë aspak konvencionale, por të mbushur me jetë.
“Nuk ka vend më të mirë për të dëgjuar zërin e së ardhmes, sesa aty ku qyteti jeton përditë. “TEG Talent” është ngjarja që bëri këdo të flasë — dhe ne jemi krenarë që kemi vënë themelet e kësaj tradite. “TEG Talent” është më shumë se një konkurs, është një platformë e re për talentin, një mënyrë për të festuar krijimtarinë dhe ëndrrat e fëmijëve tanë. Dhe jemi të lumtur që TEG është bërë hapësira ku këto ëndrra marrin jetë”. - u shpreh Drejtuesja e Departamentit të Marketing pranë ACREM, znj. Joana Korimi.
Në dy fundjavat e para të Shtatorit, artistët e vegjël, nga mosha 5 deri në 15 vjeç, ngjitën shkallët e skenës për të performuar përpara një publiku real dhe një jurie profesionale — Vesa Luma, Graciano Tagani dhe Iva Tiço. Nën moderimin e Eni Shehu, emocionet në TEG Talent ishin të forta. Të qeshura, lot, përqafime, brohorimambushën hapësirat e TEG.
Dhe si çdo kompeticion i denjë për këtë emër, “TEG Talent” do të shpërblejë me çmime shumë prej finalistëve, krahas tre vendeve të para. Veç vlerësimit të jurisë, “TEG Talent” dëshiron të çmojë edhe vlerësimin e publikut të gjerë i cili është ftuar të ndjekë të gjithë performancat në platformat sociale të TEG, t’i pëlqejë dhe ndajë ato sa më shumë për të nxjerrë fitues të preferuarin e tij.
TEG Talent nuk do të ishte i plotë pa mbështetjen e partnerëve. Brandet si Neptun, Flying Tiger, Kiabi, Vodafone, Top Optik, Zoom Trip, Cineplexx, Max Optika, dhe International Maarif Schools Albania u bashkuan me TEG për të ofruar çmime dhe dhurata për finalistët, duke treguar se bizneset e mirënjohura në Shqipëri janë gjithashtu të përkushtuara për të mbështetur ëndrrat e fëmijëve dhe për të kultivuar talentin e brezit të ri.
Me publikimin e performancave gjysmëfinaliste në rrjetet sociale, shumë prej këtyre fëmijëve u bënë viralë brenda natës. Të shpërndarë në Instagram, të komentuar dhe të pëlqyer me miliona herë, artistët e “TEG Talent” janë kthyer në influencerët e vegjël të artit shqiptar.
Finalja e madhe, e cila do të mbahet po ashtu në TEG, më 26 shtator në 18:00, do të hapë dyert për të gjithë ata që dëshirojnë ta ndjekin nga afër këtë spektakël unik, dhe ftesa është e hapur për këdo.
Ndërsa të gjithë ata që e kanë të pamundur ta ndjekin nga afër, do të kenë mundësi ta ndjekin në kanalin YouTube të TEG dhe mbi të gjitha mund të pëlqejnë dhe shpërndajnë sa më shumë të preferuarin e tyre në Instagram!
Kështu, shtatori do të mbyllet me emocionet e pritjes për të mësuar fituesin e edicionit të parë të “TEG Talent”, spektaklit që dëshmoi edhe njëherë se me dashuri të madhe bëhen gjërat të mëdha.
