Vitmar Basha në një intervistë për “Lart e poshtë”, pas koncertit më 31 janar, në të cilin performoi këngët e albumit të tij më të ri të titulluar “9”, u shpreh se “Marsela është motivi i këtij albumi, shtysa kryesore e gjithçkaje, muza e tij”. Pas kësaj deklarate të ëmbël, tani është radha e Marselës.
“Ka gëra që nuk shpjegohen dot me djalë...sidomos DASHURIA ♥. @vitmarbasha, #concert #album9, #31janar2019.”
Në prill të një viti më parë, Marsela foli për herë të parë mbi dashurinë.
“Nuk e di pse, por do të më pëlqente ndoshta një beb. Kam harruar që duhet gjetur më parpara i zoti i punës. Aktualisht është një person që më dhuron lumturi kështu që më pëlqen që ta filloj ditën me një mirëmëngjes nga ana e tij.”
Në fund të intervistës, këngëtarja tha dëshirën për të veshur një fustan të bardhë:
“Mund të jetë dhe viti i fustaneve... i fustaneve të bardha flas. Ndoshta, nuk i dihet. Nëse e them këtu dhe ndodh, ndoshta më sollët ju fat.”
Pra, fustani i bardhë dhe bebushat duket që s’janë larg.
