Siç mund ta keni lexuar, Adelina Ismaili ishte e ftuara speciale në puntatën e parë të “E Diell”, ku përpos pamjeve të rralla nga koncertet dhe intervistat e shumta në 30 vite karrierë, u përball edhe me disa pyetje paksa më personale në lidhje me raportin me bashkëshortin, Vali Krasniqin, fëmijërinë, karrierën dje, sot dhe jo vetëm.

Fëmijëria ka qenë me ngjyra apo bardhë e zi:

“Patjetër që me ngjyra, ka pasur edhe të zezën.”

A e ka pasur një çmim liria në skenë:

“Po, e ka ende.”

Më shumë paragjykim apo përkrahje:

“Dikur paragjykohesha, tani e çuditshme por përkrahem më shumë.”

A fshihet diçka pas egërsisë në skenë:

“Po, fshihet një revoltë e brendshme që në jetën private nuk do të kisha guxim ta shprehja.”

Një notë për karrierën:

“[Pauzë]…(por foli publiku që mes duartrokitjesh e vlerësoi me 10).”

A ka pasur xhelozi në marrëdhënien me bashkëshortin:

“Po, dikur ka pasur shumë derisa u bë problem. Por tani është normale.”

Frika më e madhe:

“Lufta.”

Po frika më e madhe për djalin, Uliksin:

“Ka një natyrë që dëshiron t’i bëjë njerëzit e lumtur. Nga kjo gjë kam frikë se mos në të ardhmen humbet veten.”

Showbiz-i i sotëm ka më shumë dritë apo errësirë:

“Më shumë drita të kuqe.”