“E Diell” përflitet prej muajsh të tërë. Madje, pritej të niste transmetimin në fund të tetorit. Pastaj u shty për në fund të janarit. Pas ndryshimesh, shtimesh, problemesh, më në fund, “E Diell” rikthehet në Top Channel.

Përmes një videoje promovuese ku vihet re gjithë trupa e moderatorëve dhe jo vetëm, Top Channel njofton se emisioni nis të dielën e 3 shkurtit, në 15:15. Në video, Fjoralba Ponari këndon një këngë që i fton të gjithë të shohin emisionin, ndërsa pjesa tjetër e stafit u bie instrumentave imagjinarë.

“E Diell” do të moderohet nga Fjoralba Ponari, Nevina Shtylla, Edi Manushi, Xhilda Luzi. Gentjana Pepa, Ervin Kurti, Flori Gjini, Enea Malaj dhe Einxhel Shkira.