Muzika

Pas shumë vitesh bashkëpunim, Kida largohet nga ‘On Records’

25 Janar 2019

Pas shumë vitesh bashkëpunim, Kida largohet nga ‘On

Gati që në fillimet e karrierës së saj, Kida ishte nën menaxhimin e “On Records” megjithëse siç duket bashkëpunimi i tyre ka marrë fund. Arsyeja: Ka përfunduar kontrata dhe nuk do të rinovohet sërish.

Pas shumë vitesh bashkëpunim, Kida largohet nga ‘On
Nga e majta të në të djathtë: Zzap, Kida, Chriss; sipër mbrapa Met Elshani.

Përmes një postimi në Instagram, ishte Kida ajo që bëri publik largimin.

“Të dashur fansa, miq dhe kolegë, njerëz pa vlerësimin e të cilëve nuk do të isha këtu ku jam sot!

Dua t’ju lajmëroj që nga sot kemi përfunduar kontratën me kompaninë On Records. Publikisht dua të falenderoj të gjithë stafin e punës për punën e palodhshme deri më sot, që kanë qenë pjesë e udhëtimin tim dhe kemi bërë së bashku një punë të madhe e të palodhshme me shumë dashuri.

Unë do të vazhdoj të sjell projekte të reja në vazhdim! Faleminderit shumë.”

Pas shumë vitesh bashkëpunim, Kida largohet nga ‘On

Nga ana tjetër edhe Met Elshani, menaxheri i “On Records”, ka theksuar që sot e tutje të gjithë duhet të kontaktojnë me Kidën në lidhje me koncertet ose bashkëpunimet.

“[...]Sot përfundon kontrata mes artistes sonë Kida dhe kompanisë On Records. Ishin plot vite punë, dashuri dhe energji pozitive mes nesh. Kidës i urojmë së pari shëndet dhe suksese në karrierën e mëtejshme.” – shkruan ndër të tjera ai.

Ndryshe nga Mozzik dhe Getinjo, Kida u largua nga kompania muzikore në mënyrën më të qetë të mundshme.

 

MOS I HUMBISNI