KESHILLA PER BLERJET TUAJA
Celebrity

Kevin Hart flet për deklaratat kundër gay-ve: Aktori mund t’i rikthehet prezantimit të ‘Oscars 2019’

4 Janar 2019

Në një intervistë në The Ellen Show të Ellen DeGeneres, Kevin Hart flet sërish për deklaratat fyese të së kaluarës ndaj komunitetit LGBTQ dhe largimin nga prezantimi i “Oscars 2019”.

Ndër të tjera, Kevin Hart thekson se arsyeja e vetme pse nuk kërkoi falje pak kohë më parë ishte se nuk donte t’i hidhte më shumë benzinë zjarrit për aq kohë sa ngjarja i përkiste të kaluarës. Sipas tij, media abuzoi duke shkruar se “Kevin Hart refuzon t’i kërkojë falje komunitetit LGBTQ” duke lënë pa përmendur fjalën “sërish”.

 
 
 
 
 
View this post on Instagram
 
 
 
 
 
 
 
 
 

I believe in forgiveness. I believe in second chances. And I believe in @KevinHart4real.

A post shared by Ellen (@theellenshow) on

Rreth 10 vite më parë, përmes disa postimeve në Twitter, Hart u drejtohej njerëzve me cilësime si “homo” apo “pederast”, gjë që shkaktoi sigurisht debat të ashpër.

Për këtë arsye, fill sapo u zgjodh si prezantues i ceremonisë së ndarjes së çmimeve Oscars, u sollën përsëri në vëmendje komentet e të kaluarës. Hart preferoi të mos i komentoni, të mos kërkonte sërish falje dhe rrjedhimisht hoqi dorë nga prezantimi.

Nga ana tjetër, Ellen – e cila beson se çdo njeri e meriton një mundësi të dytë – shprehet gjatë intervistës së e ka telefonuar vetë akademinë e çmimeve prestigjoze, duke i kërkuar që ta rimarrin aktorin si prezantues.

Akademia nuk pati kundërshtime, përkundrazi do të ishte e lumtur nëse Hart pranon.

Aktori nuk preferoi të jepte një përgjigje, por premtoi se do ta mendonte me qetësi.

MOS I HUMBISNI