Sot mbahet nata finale e Festivalit të 57-të të Këngës në RTSH. Ndërkohë që mbrëmjen e djeshme u publikuan emrat e këngëtarëve finalistë, çfarë ra në sy nëpër sondazhe ishte konkurrenca e fortë mes Jonida Maliqit dhe Soni Malajt.
Shanset se njëra prej tyre do të na përfaqësojë në Eurovizion janë të mëdha.
Burime pranë festivalit thonë për Anabel.al se ajo që ka më shumë gjasa për të qenë fituese e këtij edicioni është Jonida Maliqi duke lënë kështu pas Soni Malajn me këngën "Më e fortë".
Ende nuk është e qartë nëse ky vendim është marrë përpara nisjes së festivalit, apo është thjesht “total” i mendimeve që qarkullon në oborret e RTSH-së. Gjithsesi, ajo çfarë e forcon edhe më emrin e Jonida Maliqit si fituese janë përqindjet e sondazheve.
Këngëtarja konkurroi me këngën “Ktheju Tokës” dhe u impenjua të jepte maksimumin në performancë.
Përsa i përket faktit nëse fituesi është i përcaktuar apo jo, një thashethem i tillë ka shoqëruar gjithmonë festivalet e RTSH-së dhe shpesh herë ka rezultuar të jetë i saktë.
Copyright Anabel.al / Ndalohet ribotimi pa lejen e redaksisë.
