Pak orë më parë, Capital T iu drejtua Instagramit për të njoftuar aksionin më të fundit vullnetar. Prag festave të fundvitit, reperi mbushi makinën me dhurata për fëmijët në nevojë.
Grupi i fëmijëve e priti me brohorima dhe buzëqeshje. Kë nuk do të gëzonte një dhuratë, në fund të fundit. Capital T premton se do të shihen sërish bashkë së shpejti. Bamirësia e tij nuk merr fund me kaq.
Serinë e postimeve për aktin e fundit të bamirësisë, ai e përmbylli me një citim: “Lumturia nuk do të thotë të zotërosh gjithë gjërat që do. Do të thotë të shijosh ato që ke.”
Një javë më parë, Capital T, bashkë me filantropin Halil Kastrati dhuruan pesë shtëpi për familjet në nevojë.
