“Dance with Me” do të mbyllë sezonin të hënën dhe Alketa Vejsiu vendosi të ftojë dikë shumë të veçantë për të. Në Instagram, moderatorja njoftoi se finalen e “Dance with Me” do ta moderojë bashkë me Paola Perogo.

Nëse ju duket emër i dëgjuar, Paola është moderatore e famshme italiane e thuajse një muaj më parë, tha fjalët më të mira për televizionin në Shqipëri gjatë "Maurizio Contanzo Show". Më tej, Paola përmendi emrin e Alketës, të cilën e quajti të zonjën dhe avantgardë.

“Pasi foli me aq dashuri për Shqipërinë, menduam ta ftojmë në finale. Paola Perego do të jetë e ftuara speciale e të hënës së ‘Dance with Me’, ditën e hënë, më 17 dhjetor. Intervistë dhe bashkëprezantim! [...] Unë jam vërtet e lumtur sepse ka filluar realizimi i disa ëndrrave të rëndësishme. Faleminderit Paola, Shqipëria të do. E konfirmojnë dhe gjithë ndjekësit.”

Karriera e Paola-s në televizion nisi në vitet ’80 dhe mban mbi supe mbi 60 programe televizive, moderuar nga ajo.