Ndërkohë që protesta studentore vijon përpara Minsistrisë së Arsimit, qytetarët e e Tiranës vazhdojnë të tregojnë solidarizimin.

Një qytetar ka shpërndarë çadra falas për të rinjtë në protestë, të cilëve shiu nuk ua ka zbehur aspak dëshirën për të kërkuar të drejtat.

Ky nuk është veprimi i parë që tregon se të gjithë qytetarët janë në mbështjetje të kësaj proteste që përveç se ka marrë karakter kombëtar, tashmë përmes postimeve në rrjete sociale po bëhet virale. Ditën e djeshme një zonjë shpërndau ushqim për protestuesit, ndërsa shumë qytetarë kanë bërë thirrje se dyert e shtëpive të tyre janë të hapura për studentët nga rrethet që sot e kanë të pamundur të kthehen në shtëpitë e tyre.