Pak orë më parë, këngëtarja e famshme amerikane Cardi B ka ndarë me ndjekësit e saj në Instagram për herë të parë një foto të vajzës. Në postimin në fjalë dallohet bebushja Kulture, shumë e qetë në debutimin e saj të parë para ndjekësve të së ëmës.
“Zemra ime,” ka shkruar Cardi krahas fotos në fjalë, si për të treguar se tashmë njeriu më i rëndësishëm në jetën e saj është Kulture.
Ditën e djeshme Cardi B deklaroi publikisht ndarjen nga ish- partneri Offset.
Nëpërmjet një videoje të postuar në Instagram, 26- veçarja dha vetë lajmin dhe shpjegoi për fansat arsyet që e detyruan atë dhe ish- partnerin e saj të shkonin drejt ndarjes.
“Nuk është faji i askujt, thjesht mbaroi dashuria. Ne nuk jemi më bashkë. Mund të duhet pak kohë për t’iu drejtuar divorcit. Do të kem gjithmonë dashuri për të, sepse është babai i vajzës time.”
