Burime për Blitz thuhet se kanë zbuluar se “Top Channel” ka anulluar transmetimin e “Big Brother VIP” si pasojë e kostos së madhe që ky spektakël mban mbi supe.

Por burime të sigurta pranë për Anabel.al bëjnë me dije se lajmi në fjalë nuk është i vërtetë dhe se planet për transmetimin e “Big Brother Vip” po vazhdojnë të zbatohen. Madje për momentin po punohet për ndërtimin e studios së këtij spektakli të suksesshëm.

Deri më tani ka patur shumë aludime rreth këtij spektakli që ende nuk është zbuluar se nga kush do të moderohet. E vetmja gjë e sigurtë deri më tani është që pjesë e tij do të jenë personazhe të famshëm shqiptarë që do të ndajnë së bashku qëndrimin në shtëpinë Vip.