“The Voice of Albania – Kids”, një ndër spektaklet e talenteve më të ndjekura në Shqipëri, nis sezonin e ardhshëm televiziv në janar, por ketë herë me ndryshime. Prezantuesi nuk do të jetë Ledion Liço.
Këtë vit, moderimi do t’i besohet Dojna Memës, e cila momentalisht është një ndër prezantueset e “Pop Culture”.
View this post on Instagram
“Në janar nis sezoni i ri i ‘The Voice Kids’ në Top Channel. Si gjysmë shaka vitin që kaloi thashë që nuk do ta bëj më këtë eksperiencë sfilitëse emocionale, pas tetë vitesh si prezantues, tre prej të cilave si producent ekzekutiv. Shakaja është gjysma e së vërtetës dhe mesa duket është koha t’i hap rrugë një vizioni të ri dhe një brezi të ri”, shprehet Ledioni, i cili shton se është tejet krenar për arritjet e “The Voice”, përfshirë këtu audiencën, shikueshmërinë, talentet e zbuluara etj.
Dojna duket e zgjedhura perfekte për një program të tillë. Jo më kot në një sondazh të Anabel.al, pas Ori Nebijajt, Dojna ishte e preferuara e shqiptarëve nga brezi i ri i moderatoreve.
Përpos oratorisë, ajo është pozitive, e lirshme në skenë dhe e aftë për të ndërtuar një raport të ngrohtë prezantues-program-shikues.
Burimi: Top Channel
