Zanfina Ismaili dhe Faton Shoshi kanë qenë bashkë për 11 vite e gjysmë dhe këtë e deklaroi vetë këngëtarja në një intervistë të fundit për “Mirage”.

E pyetur rreth lidhjes në fjalë, Ismaili u shpreh:

“Ka zgjatur 11 vite e gjysmë. Është hera e parë që flas. Edhe në dashuri, çdo fillim është i mirë dhe çdo fund është i hidhur. Kur i vjen fundi gjërave, në dashuri, në lidhje, dashuria, besimi apo diçka e ngjashme që e përbën një lidhje vjen edhe fundi.”

Sot, a kanë shoqëri të paktën?

Zanfina e krahasoi situatën me një gotë të thyer, që kur ngjitet thjesht nuk është më e njëjta.

“Ne fillimisht kemi qenë shokë e më pas krijuam lidhje, por u thye gota dhe nuk mbeti më as shoqëria. Kështu që jo, nuk jam pro shoqërisë pas lidhjes. Nuk ia lë fajet e mia tjetërkujt, kështu që është 50 me 50.”

Lajmi se këngëtarja dhe i dashuri biznesmen i dhanë fund qarkulloi në 2014- n, por dyshja preferoi të mos prononcohej. Në fakt, ç’është e vërteta Ismaili ka folur shkurtimisht edhe në 2016- n rreth raportit të saj me Shoshin, pas ndarjes. Në “Elite Shoë”, artistja ka thënë:

"Nuk kemi marrëdhënie të këqija. Kur takohemi përshëndetemi, dhe kaq. Nuk ishte një nga ato ndarjet tani e tutje jemi në gjak. Pra nëse takohemi, nuk kemi një armë gati në xhep."