Dje, organizatorët e Festivali të Këngës së 57 mbajtën një konferencë për shtyp për të deklaruar detajet e ndryshimet që do të bëhen këtë vit. Inva Mula do të shërbejë si drejtoreshë artistike, Martin Leka si drejtor i festivalit, do të jetë producent muzikor, regjisor dhe skenarist, përkatësisht vëllezërti Blendi dhe Pandi Laço.

22 këngët pjesëmarrëse do të performohen natën e parë siç janë performuar deri më sot, me ndihmën e Orkestrës Simfonike. Natën e dytë, këngët do të vijnë në një tjetër version.

“Të 22 këngëtarët do të këndojnë live, por të pa shoqëruar nga Orkestra Simfonike si në natën e parë, por vetëm me bazën orkestrale. Kjo natë e quajtur ‘Nata e performancave ‘ ose ‘Nata Eurosong’ do t’u japë mundësinë interpretuesve të performojnë të shoqëruar nga elementë spektakli," shkruhet në faqen në Instagram të Festivalit.

Natën e tretë dhe finale performancat do t’i rikthehen variantit të parë. “Në këtë mënyrë, publiku do t’i ketë dëgjuar këngët tre herë,” tha Inva Mula. Këngët do të gjykohen nga një juri profesionale dhe nga një juri të rinjsh, me ndihmën e të cilëve do të përfaqësohen shijet e brezit të ri.

Festival i Këngës do të mbahet në Pallatin e Kongreseve më 20, 21 dhe 22 dhjetor. Kënga fituese përfaqëson Shqipërinë në Eurovision, i cili do të mbahet pranverën e vitit që vjen në Izrael.