KESHILLA PER BLERJET TUAJA
Shqipëria

‘Të lutem, gjej pak kohë për me dasht veten’

31 Tetor 2018

Në kuadër të muajit mbi ndërgjegjësimin për rëndësinë e diagnostikimit të hershëm të kancerit të gjirit, Ministria e Shëndetësisë organizoi një fushatë nën hashtagun #BashkëJaDalim, ku emra të rëndësishëm mediatik iu bashkuan nismës.

Shërbimi i mamografisë u ofrua falas në Tiranë dhe qytete të tjera. Informacion më të hollësishëm për kancerin e gjirit – shenjat, fakotrët që rrisin shanset, si zbulohet etj – i lexoni këtu. Në vijim gjeni një përmbledhje fotosh bashkëngjitur me mesazhin përkatës. 

“Duaje gjoksin tënd, duaje jetën tënde!” – Rudina Xhunga

“Nuk mjafton thjesht të kesh dëgjuar për kancerin e gjirit, duhet të veprosh!” – Mira Kazhani

“Jo çdo gjë është në dorën tënde, por padyshim e ke të mundur ta kapësh në kohë kancerin e gjirit!” – Bieta Sulo

“Njerëzit përreth teje mund të të mbështesin, por vetëm ti mund ta shpëtosh veten.” – Juli Xhokaxhi

“Ndonjëherë, janë disa veprime fare të thjeshta që mund të ndryshojnë jetën.” – Genta Popa

“Të lutem gjej pak kohë për me dasht veten!” – Ema Andrea

“Betejën me kancerin e gjirit mund ta fitosh që pa nisur ende!” – Jonida Maliqi

“E ke pyetur nënën tënde nëse është kontrolluar ndonjëherë për kancerin e gjirit?” – Prancera Borakaj

“Bëj mamografinë sot! Ç’arsye mund të kesh për të shtyrë për nesër kujdesin ndaj vetes?” – Manjola Nallbani

“Jepi jetë, jetës. Mos u dorëzo. Edhe nëse lufton do zbulosh shumë gjëra për veten, familjen dhe shoqërinë.” – Anila Basha

“Asnjë grua nuk është e mbrojtur nga kanceri i gjirit, por çdo grua mund të diagnostikohet në kohë!” – Eranda Libohova

“I detyrohesh vetes pak kujdes! Një mamografi është mënyra më e mirë për t’u kujdesur për shëndetin tënd!” – Beti Njuma

“Kanceri i gjitit nuk ka pse të frikësojë më asnjë grua. Mjafton të kapet në kohë dhe të trajtohet me kujdes!” – Rovena Dilo

“Preke! Ndjeje! Shpëto veten! Mos ki frikë! Kanceri i gjirit mund të parandalohet.” – Anila Jole

“Mikesha ime, nënë e dy fëmijëve sot është shëruar sepse u diagnostikua herët. Bëj mamografinë sot për të mbrojtur jetën tënde!” – Iva Tiço

“Duhen 30 minuta për të bërë mamografinë. Efektet e kancerit të gjirit zgjasin gjithë jetën. Mos e shty për nesër, bëje sot mamografinë!” – Monika Lubonja

“Informohu rreth kancerit të gjirit dhe inkurajo gratë e tjera në jetën tënde të bëjnë mamografinë sa më parë!” – Eni Çobani

“Ti nuk mund ta dish nëse do prekesh nga kanceri i gjirit, apo jo? Por ti di që mamografia të ndihmon ta kapësh në kohë. Bëj mamografinë sot!” – Arlinda Dudaj

“Fito bejetën me kancerin e gjirit duke e kapur në kohë. Bëhu hero i vetes tënde!” – Valbona Selimllari

MOS I HUMBISNI