E ftuar në emisionin “Pop Sugar” në Radio Travel, Ana Lika u bë pjesë e një loje. Ajo duhet të komentonte 11 VIP-a, pa i përmendur emrin. Mirëpo kur erdhi radha tek Fifi, Ana theksoi se nuk e kishte problem, mund t’ia përmendin edhe emrin.
Si fillim ajo foli rreth “sherrit” mes Fifit dhe Tayna-s, për të cilin mund të lexoni më shumë duke klikuar këtu.
“Le të themi që zihet kot me njerëzit, se njerëzit nuk është se e llogarisin. Del Tayna bën këngë për qejfin e vet, del kjo shan gocën e botës ndërkohë që ajo nuk e llogarit fare. Kam dëgjuar pa dashje një intervistë, nuk është se futem dhe kontrolloj Fifin, s’më intereson fare, ku kjo i thoshte kësaj këngëtares tjetër: Duhet të kesh disa vite karrierë. Jo, dikush që është i talentuar bëhet direkt. Ti ke shumë vite karrierë, por ti nuk po bëhesh asgjë.”
Më pas, Ana Lika i referohet diss-eve të Fifit duke theksuar se gjërat duhen thënë në sy dhe jo përmes këngëve.
“Unë s’jam këngëtare, por po të bëhem ndonjëherë, po të kishte gjë ndaj meje do të doja të vinte të ma thoshte në fytyrë dhe jo nëpër vargje këngësh.”
Sipas saj, Fifi duhet të bëjë këngë si tek Kënga Magjike dhe të heqë dorë nga diss-et.
“Dhe për aq sa i përket kësaj Fifit, Filloretës se Fifi është emri i artit, ka patur një këngë shumë të bukur te Kënga Magjike, e kam dëgjuar pafundësisht. Më mirë të kishte qëndruar ashtu. U mpleks shumë me njerëzit e gabuar. Unë nuk po i shoh ndonjë gjë.”
Dhe në fund – pa ia kërkuar njeri mendimin – diçka për peshën.
“[...] Kam dëgjuar që fliste dhe për peshën. Mendoj që më mirë të mos lodhet që t’i humbë ato kile, sepse nuk do t’i humbë pasi është gjenetike. Po të dobësohet do ta humbë atë...dmth njerëzit e kanë dashur ashtu.”
Anabel.al kontaktoi me Fifin, e cila tha që nuk dëshiron t'i komentojë fjalët e Ana Likës.
