Në fund të gushtit, përmes një postimi në Instagram, Buta bëri me dijeni se nuk do të ishte më pjesë e “Nesër Music”, menaxheri i së cilës është Faton Shoshi.

Teksa pozonte përkrah vëllait, reperi deklaroi se tani e tutje do të ishte një artist i pavarur. Sigurisht me të qarkulluar lajmi natyrshëm lindi pyetja se çfarë ndodhi? Mos pati gjë një krisje të mundshme?

Së fundmi, në një intervistë për “Nd’rrimi i Natës” në Klan Kosova, Shoshi është pyetur rreth shkëputjes në fjalë.

“Unë i lë artistët të lirë, të bëjnë çfarë të duan dhe kur nuk shkon bashkë atëherë ndahen rrugët.”

Ndërkohë pala tjetër, në një intervistë për Top Koha Music është shprehur:

“Kam dashur të jem independent (i pavarur), të mos i jap askujt llogari për asgjë.”

Buta u bë i njohur për publikun nga bashkëpunimi i famshëm me Ledrin, “Mbi re”. Ju kujtojmë po kështu edhe hitin “Merri Merri” nga “Nesër Music”.