Dakota Johnson foli për herë të parë për lidhjen shumë private me solistin e Coldplay, Chris Martin. Në një intervistë për Tatler, ylli i “Fifty Shades of Grey” dha një deklaratë të shkurtër, por të ëmbël për të dashurin e saj muzikant.
“Nuk dua të flas për këtë, por jam e lumtur,” tha Johnson për Tatler. Shkurt fare, por të paktën tha diçka.
Edhe pse aktorja vazhdon ta mbajë gojën mbyllur në lidhje me jetën e saj romantike, nëna e saj, Melanie Griffith, ka diçka për të thënë. “E adhuroj atë djalë!” tha Griffith për People këtë maj. “Por Dakota është shumë njeri privat dhe e respektoj këtë.”
Në fillim të shtatorit, Dakota dhe Chris u fotografuan me tatuazhe infiniti në krah, një lloj shenje për seriozitetin e marrëdhënies. Tatuazhi i Dakota-s ndodhet nga jashtë bërrylit të majtë, ndërsa i Chris në brendi të krahut të djathtë.
Dakota dhe Chris, i cili u nda nga Gwyneth Paltrow në 2014-n, filluan të dilnin bashkë në dhjetor të 2017-s. U raportuan një sërë takimesh, koncerte, darka në Israel dhe sushi në Los Angeles.
Që asokohe, çifti është fshehur sa ka mundur. Në qershor u fotografuan dorë për dore teksa po shëtisnin qenin e Dakota-s.
“U shijon jeta e qetë. Gjërat po bëhen më serioze,” tha një burim për People në qershor.
