Me gjithë respektin e mundshëm për Dukën dhe Dukeshën e Sussex-it, në botën e Fashionistave, dasma e Chiara Ferragni-t a.ka "The Blonde Salad" me reperin italian Fedez, është padyshim një ngjarje e madhe, lehtësisht e krahasueshme me dasmën mbretërore.
Nisur nga fotot e mëposhtme, të gjithë do të kishim dashur të shihnim në rresht të parë parakalimin e Chiara-s me fustanin e Dior Haute Couture, por deri atëherë le të presim. Megjithatë, në darkën mbrëma të mbajtur të qytetin Noto në Siçili, ku krijohet një ide si do të shkojë gjithë dasma, Chiara zgjodhi një fustan rozë me rruaza ari dhe gurë nga Prada, të shoqëruar nga sandale saten. Nuk po flasim më shumë, shihini vetë.
Dekori qëndronte pak a shumë tek ngjyrat e ngrohta, ku mbizotëronte e kuqja dhe detajet e mëposhtme.
Si çdo herë, çifti nuk i kurseu puthjet e përqafimet duke emocionuar të pranishmit dhe veten.
Nëse një “darkë-provë” ishte kaq mahnitëse, as nuk duam ta mendojmë si do të jetë ceremonia sot pasdite.
Për më shumë mbi ngjarje të tjera, duke filluar nga personalizimi i avionit, fustani nga Dior, ftesat kreative të dasmës, refuzimi i dhuratave, apo festa e beqarisë në Ibiza, ju e dini ku të klikoni.
