Nicki Minaj është shumë e revoltuar për arsyen e thjeshtë se albumi i saj nuk është në krye të çdo klasifikimi mbi faqen e dheut. Sigurisht, si të famshmit e tjerë, iu drejtua Twitter-it për të shprehur pakënaqësinë e tejskajshme kundrejt disa emrave, përfshirë Kylie Jenner.

Mesa duket, Nicki mendon se suksesi i albumit të Travis Scott është i pamerituar pasi Kylie e ka reklamuar shumë. Të paktën kaq kuptuam. “Derdha gjak e djersë për atë album fantastik dhe Travis Scott përfiton nga Kylie që poston foto nga turneu dhe thotë hajdeni takoni Stormi-n. Më bëni për të qeshur. 'Qween' theu rekordin duke qenë në vend të parë në 86 vende. Faleminderit Jezus dhe faleminderit fansa,” shkruan ajo.

Kur thotë Kylie poston foto të turneut, e ka fjalën për këtë foto nën të cilën shkruhet “Unë dhe Stormi jemi gati për turneun.”

Nicki gjithashtu shpjegoi se ka folur me Travis dhe tha se “Travis shiti mbi 50 mijë kopje. Pa asnjë detyrim për të shlyer albumin! Pa data për turne, etj. Fola me të. Ai e di që albumi i tij s’është për vend të parë këtë javë. I dua fansat që më falën albumin më të mirë në Amerikë!

Në fjalë të tjera, Nicki mendon se ka avantazh famën e Kylie-t të cilën e përdor për të promovuar muzikën e tij. Por nga ana tjetër, a s’ka të drejtë Kylie të flasë për punën e të dashurit?