Ç'dinim deri tani

Dje, Sara Hoxha dhe Ledion Liço lidhën kurorë në një ceremoni madhështore në liqenin e Como-s. Për flokët e nuses u kujdes artistja e famshme Alex Brown, ndërsa për grimin, i preferuari i Hollywood-it, Patrick Ta.

Sara veshi disa fustane, por kemi foto vetëm të dy të parëve, publikuar nga grimieri Patrick Ta. I pari, model klasik, i bardhë dhe i dyti, me dantellë dhe detaje të qëndisura.

Ç'ndodhi pas ceremonisë

Pas ceremonisë së shkëmbimit të betimeve, dasma vijoi me një darkë në një prej sallave të Villa Erba, dekoruar me gjelbërim. Villa Erba duket kështu nga jashtë:

Dhe kjo është salla e dasmave. Këndi më i mirë që mund të ofrojmë për momentin. 

Kush performoi

Ermal Mamaqi mbajti një fjalim gazmor, për të ngrohur atmosferën. Këngëtari i parë që performoi për të ftuarit ishte Gena, i cili u pasua nga Artjola Toska dhe çunat e Three Dots, Klajdi Haruni dhe Bruno.

Vjollca dhe Lori Hoxha

Të ftuarit tregojnë për Anabel.al se Vjollca Hoxha ishte e përlotur shumicën e ceremonisë dhe dasmës. Ndërsa Lori Hoxha, i bëri surprizë nuses një kërcim me miket e veta në ritmet e "Single Ladies" nga Beyonce.

Rregulli

Që në shpërndarjen e ftesave, të ftuarve iu kërkua të mos postonin asgjë në rrjetet sociale. Të njëjtën gjë përsëriti dhe Eno Popi para se të niste ceremonia. Ky rregull u thye nga grimieri, i cili postoi dy prej fustaneve në Instagram.

Porsi dje, edhe sot, çifti do ta mbyllë ditën me after-party me gjithë të ftuarit.