Siç mund ta keni lexuar në një artikull të mëparshëm, Kylie dhe Travis Scott rrëfyen për herë të parë në lidhje me marrëdhënien e tyre gjatë një interviste për GQ. Ndër të tjera, 20-vjeçarja tregoi disa detaje të takimit të tyre të parë, që nuk ishte aspak i zakonshëm.

“Ne nuk dalim shpesh nëpër takime. Madje edhe takimi ynë i parë në Coachella ishte shumë i çuditshëm. Coachella ishte një ndër vendet ku ai [Travis] do të ndalonte për turin e tij. Më pyeti se ç’do të bëja unë, sepse realisht ne e pëlqenim njëri-tjetrin. I thashë menjëherë se do të shkoja me të. E kështu shkova.

Kërceva menjëherë në autobus dhe nisëm të udhëtonim gjatë perëndimit të diellit. Kam bërë gjithë turneun me të.

Shkonim nëpër qytete të rastësishme. Qëllonte që ishim thjesht dy të panjohur. Nuk ishim më Kylie dhe Trav’. Shëtisnim dhe askush nuk na vinte re, askush nuk na bezdiste.

Familja ime nuk tha asgjë. Ata e dinë që unë bëj sipas kokës sime, kështu kam qenë përherë. Nuk i përgjigjem askujt, jetoj vetë. Pra, u nisa drejt perëndimit të diellit...”

                                                             ~(JO) Fund~

Intervistën e plotë mund ta lexoni duke klikuar këtu.