I ftuar në puntatën e sotme në emisionin e pasdites, “Rudina”, në Tv Klan ishte Robert Berisha, bashkëshorti i Nora Istrefit. Ndër të tjera, ai foli edhe për raportin që kanë me Tunën, partneren e vëllait të tij, Patris Berisha.

Pak kohë më parë, Renee dhe Tian festuan ditëlindjen e tyre, përkatësisht Renee 3 vjeç, ndërsa Tian festoi ditëlindjen e tij të parë.

Mirëpo ra në sy që Nora dhe Roberti munguan në festën madhështore të Tianit, po ashtu edhe çifti Patris-Tuna s’ishin pjesë e festës së vogëlushes Renee.

Në fillim Roberti nuk dëshiroi të fliste mbi këtë situatë, por më pas rrëfeu si qëndronte e vërteta.

“Për respektin që kam për ty [Rudina] do flas. Ne nuk kemi shkuar për shkak të Tunës. Të mbarojnë njëherë e mirë këto thashetheme. Nora ka 15 vite në skenë dhe i meriton aq fansa sa ka, nuk ka Nora probleme me Tunën, por Tuna ka probleme me gjithë estradën shqiptare. Ne nuk ishim në festën e nipit dhe i kërkoj falje Patrisit, por nuk do të jemi në asnjë gëzim familjar për shkak të Tunës. Nuk e di, për atë [Patrisin] dhe Tianin do jepja jetën, megjithatë shpresoj që Tuna të bëhet një nënë e mirë”, përfundoi ai.