Zerina Akers, gruaja që kishte në dorë pamjen e Beyonce-s në performancën fantastike në Coachella, rrëfen disa nga sekretet e saj gjatë stilimit të veshjeve të yjeve botërorë, por jo vetëm.

“Vishuni me ngjyra, ose shkoni në shtëpi! Unë përpiqem vazhdimisht që të bashkojë ngjyrat e sezonit me ngjyra të tjera për të krijuar një look më neutral. Në të njëjtën kohë, përdor disa aksesorë që bien në sy si vathët e mëdhenj.”

“Është e rëndësishme që rrobat t’ju qëndrojnë mirë. Por gjithashtu mund të nisni të mendoni për të kontaktuar me një rrobaqepës të mirë; rrobat do të jenë unike dhe do t’ju qëndrojnë sipas masës suaj.”

“Identifikoni se ç’veshje është gjithnjë zgjidhja perfekte për situata të ndryshme. Personalisht të preferuarit e mi janë xhaketa e zezë dhe parfumi. Nuk ka rëndësi kombinimi, me një xhaketë të tillë ndihem përherë mirë.”

“Vishni çfarë të doni! Në fund të fundit, besoj se çdo njeri duhet të zgjedhë atë që i pëlqen, qoftë edhe nëse i duhet të heqë dorë nga gjithë trendet e momentit. Një kostum me ngjyrë është veshja tjetër e preferuar.”

Tjetër këshillë e vlefshme e Zerina-s është thjeshtësia. Mendoni si u vesh Beyonce në Coachella: çizme në ngjyra si të njëbrirëshit, pantallona të shkurtra xhins dhe një bluzë e shkurtër me kapuç. Kaq.

Burimi: Refinery29