Që prej ditëve të para të vitit, u vu re se vargu i ndarjeve të bujshme do të ishte goxha i gjatë. Pas divorcit të Jenna-s dhe Channing Tatum, erdhi radha e Ariana Grande-s. Këngëtarja i ka dhënë fund lidhjes 2-vjeçare me partnerin e saj Mac Miller.
Sipas TMZ-së, çifti i ka dhënë fund romancës për shkak se karriera e tyre zinte pjesën më të madhe të kohës.
Gjithsesi, si të gjithë paraardhësit e tyre, edhe Ariana me ish- të dashurin do vazhdojnë ta duan njëri-tjetrin dhe do të mbeten miq shumë të mirë.
Këngëtarja dhe partneri i saj dolën publikisht bashkë në shtator të 2016-ës dhe për herë të fundit janë parë në shoqërinë e njëri-tjetrit në Coachella.
