Disa prej personazhet më të njohur shqiptarë jo gjithmonë kanë qenë kështu si sot. Ata arritën të humbin disa kilogramë të mjaftueshëm, sa një pjesë e mirë s’i identifikon më me përmasat e atëhershme. Ja disa nga emrat që ndryshuan totalisht trupin e tyre.
Big Mama ka treguar vazhdimisht se pesha i krijonte probleme. Madje, dietat e ndryshme nuk funksionuan. Pak kohë më parë, këngëtarja iu nënshtrua një operacioni për zvogëlimin e stomakut dhe më në fund, ndihet mirë. Rezultati është mëse i dukshëm.
Linda Halimi rrëfeu për revistën “People” se në vitet e luftës në Kosovë nuk kishte ç’të hante. Ajo shtoi konsiderueshëm në peshë pas luftës, kur tha se hante si për të zëvendësuar atë që s’kishte ngrënë dot. Por me palestër të vazhdueshme, Linda tashmë është krenare për fizikun e tonifikuar.
Djaloshi Capital T në këngët e tij të para ishte ndryshe nga imazhi që ka sot. Në një intervistë për revistën “Kosovarja”, reperi tha se formula e suksesit ishte vrapi. Tani, ai ushtrohet vazhdimisht në palestër. Muskuj, muskuj, muskuj!
Moderatori historik i “Zonë e lirë” ka humur gjithashtu në peshë nëse kthehemi pas në edicionet e kaluara të emisionit.
Presidenti Meta pësoi një ndryshim drastik, ku i njohur për mbipeshën e tij, ai na surprizoi të gjithëve me një pamje tejet të re.
Sara Hoxha duket më në formë se kurrë edhe pas lindjes së vogëlushit London. Trashëgimtarja e Top Channel s’ka qenë përherë kështu, por vullneti i saj është për t’u admiruar. Bravo, Sara!
Këngëtarja e muzikës popullore të Shqipërisë së Mesme, Valbona Mema, mund të konsiderohet si një tjetër histori suksesi. Një regjim i rregullt me dietë dhe palestër duhet të ketë qenë zgjidhja për Valbonën.
