Para se Albano Bogdo të dilte tek Apartamenti 2XL, ka tentuar të bëhet pjesë e ‘Portokallisë’. Megjithatë audicionet nuk shkuan siç ai priste dhe asnjë nga skeçet e tij nuk e impresionuan Altin Bashën, regjisorin e spektaklit.
“Vajta për audicion tek ‘Portokallia’ me 4 role dhe asnjërin prej tyre nuk e pëlqeu Altin Basha,” ka treguar Bogdo në emisionin e mëngjesit “Rreze Dielli” në Report TV. “Pas tre muajsh në ‘2XL’ më thotë Besi që të vija në ‘Portokalli’ dhe të bënim një pjesë. Unë vajta 1 ditë në mbledhje, nuk më ngjiti dhe ika prej aty. Nuk ndjeva ndonjë obligim të thosha arsyet pse ika sepse nuk isha i punësuar.”
Vendimi i tij për të mos u kthyer më është keqinterpretuar nga autorët e spektaklit. “Pas kësaj dëgjova që kishin thënë që gjoja vajta për të spiunuar teknikat. Dëgjova gjithashtu edhe se Altin Basha kishte thënë që sa të ishte ai, unë nuk shkel më aty. Dhe unë nuk hënga bukë për 20 minuta.”- vijoi me ironi aktori i humorit.
Aspak i shqetësuar nga ky incident, Albano tregoi se rrugëtimi i tij tek “Apartamenti 2XL’ do vazhdojë, sepse gëzon marrëdhënie shumë të mira me kolegët dhe me drejtuesin, Turjan Hyskën.
Burimi: Shqiptarja.com
