Drejtuesi i agjensisë së rekrutimit në Tiranë, Elton ilirjani, i  cili pak javë më parë tregoi në live në ‘Opinion’ se është gay, (lexo këtu )ishte i ftuar pasditen e sotme tek 'Rudina'.

Përpos faktit se kompania e tij po ecën mrekullisht mirë, Ilirjani tregoi se jeta e tij ka ndryshuar që pas momentit që ia ka pranuar vetes dhe të tjerëve që është homoseksual. Eltoni, ndau me të gjithë momentin e parë të përballjes me familjen.

“Kur i thash tim eti ai sigurisht nuk u lumturua për këtë fakt. Më tha që kjo që po bëj unë s’është e gabuar, por është rruga më e vështirë sepse në Shqipëri dihet si janë këto punë. E ndërsa unë i thash se nuk mundem të frenoj ndjenjat e mia, sepse i bie të luftoj me veten. I bie të vdes dhe të mos jetoj veten time. Ndërsa nënës, nuk i erdhi mirë, e pati më të vëshirë, por s’më tha kurrë asgjë negative.”- tregoi ai.

Ndër të tjera, ai rrëfeu se paragjykimin e ka ndjerë kudo dhe vështirësia më e madhe ka qenë tek punësimi.

“Nuk më pranonin se isha ndryshe. Jam refuzuar në intervista pune dhe kur filloja punë talleshin me mua. Unë gjithsesi s’e kam prishur kurrë gjumin tim sepse nuk shtiresha. Si mund të flija nëse do të shtiresha? Si mund të merrja në qafë një grua dhe të martohesha me të, vetëm për shkak të opinionit? Do t’i shkatërroja jetën. Ndërsa kështu, jetoj jetën time dhe s’besdis askënd.”- përfundoi Eltoni.