Që kur Kim dhe Kanye bënë me dije se vajza e tyre erdhi në jetë të gjithë ishin kureshtarë të dinin se ç’emër do t’i vendosnin kësaj here bebushit. Fillimisht u tha se Kim po mendonte ta quante Wild ose Louis Vuitton, por dje u bë publike se fëmija i tretë i çiftit quhet Chicago West.
Nëse ju kujtohet vajza e madhe e familjes quhet North e ndërsa djali Saint. Tani emri i radhës është Chicago. Kaq u desh dhe rrjetet sociale shpërthyen në komente duke e kthyer në gati qesharake vendimin e çiftit.
Madje disa prej tyre, mendojnë se Kim nuk duhet lejuar të vendosë më emra njerëzish. Në fillim një vajzë që quhet “Veri”, pastaj një djalë “shenjt” dhe tani një tjetër bebush me emrin e një shteti. Çfarë po bën?
“Pse ja bën këtë vajzës tënde?”- shkruhet në një prej komenteve.
Gjithsesi, duket se familja ka mirëmenduar gjithçka dhe është shumë e lumtur për zgjedhjen. Shkurt vajza do të quhet “Chai” që tingëllon si ‘shy’ që do të thotë e turpshme.
Sido që t’u tingëllojë të tjerëve zgjedhja më e re e emrit, familja West nuk ka thyer asnjë rregull. Kështu që, ta gëzojë!
Burimi: The Independet
