Adelajda Xhamani u nda nga jeta ditën e sotme, për shkak të një ataku kardiak. Ajo ishte 31 vjeç.
Mësohet se rreth orës 4:00 të mëngjesit, gazetarja kaloi një atak kardiak dhe ndonëse lajmëroi ambulancën, ishte tepër vonë. Mjekët hynë në shtëpinë e saj, por ajo ndërroi jetë pa patur kohë ta shpëtonin.
Lajmin e bëri të ditur “Fax News”, ku Adelajda pritej të fillonte punë së shpejti, ku do të kishte emisionin e saj “Shtëpia e Adelës”.
Xhamani ishte një ndër figurat më të paharrueshme të “Big Brother”, ku u kthye në personazhin më të përfolur dhe nga ku ia doli të kthehej nga një mësuese 8-vjeçareje në një gazetare dhe moderatore televizive.
