Pak javë më parë qarkulluan zëra se Belen Rodriguez dhe Andrea Iannone po kalojnë një periudhë krize e cila po i çon gjithnjë e më shumë drejt ndarjes. Por zërat u shuan pasi vet ylli i showbiz-it italian, tregoi përmes një komenti në Instagram se, Andrea vazhdon ende të jetë me pranë saj dhe s’ka asgjë të vërtetë.
Gjithsesi, lajmet rreth ylli argjentinas nuk kanë fund. Sipas Corriere della Sera, duket se diçka po ndodh mes Belen dhe ish-bashkëshortit të saj, Stefano De Martino. Dhe ai që ka folur i pari për një rikthim të mundshëm rreth dyshes më të përfolur ka qenë gazetari Giovanni Ciacci. I ftuar në “Radio Deejay”, ai është shprehur se ish-çifti po pushojnë së bashku në Ibiza.
“Po ndodh, jemi pothuajse të sigurtë se tashmë ka ndodhur. Në Ibiza thuhet se Belen është kthyer në krahët e Stefano-s, i cili po e priste bashkë me djalin e tyre të vogël, Santiago-n. Brenda muajit gusht me siguri do të na e japin vetë lajmin.”- u shpreh i sigurtë gazetari.
E përsa i përket Iannone-s thuhet se edhe ai ndodhet gjithashtu në Ibiza, por deri më tani asnjëri nga të dy nuk kanë publikuar në llogaritë e tyre të rrjeteve sociale foto që tregojnë se po kalojnë pushimet bashkë.
Nëse shkaku i vërtetë i ndarjes së saj nga Iannone është rikthimi tek Stefano, ky lajm do të ishte sensacional për showbiz-in italian.
