KESHILLA PER BLERJET TUAJA
Mendja

Teknikat më të mira për të luftuar ankthin

2 Dhjetor 2015

Nëse ju vuani nga ankthi, me siguri e keni parasysh ndjenjën nga të qenit i qetë dhe normal, në të kaluarit në një gjendje të shqetësuar apo paniku. Ndoshta ankthi është akumuluar nga disa ngjarje stresuese gjatë ditës ose një ngjarje e rëndësishme. Ndonjëherë mund të ndodhë edhe që ju mos ta kuptoni se nga vjen ankthi. Në të gjitha rastet ju duhet të përpiqeni ta mbani ankthin nën kontroll për të mos pasur një atak paniku. Herën tjetër që do të keni këto ndjenja, provoni të veproni si më poshtë.

Merrni frymë
Të gjithë personat që vuajnë nga ankthi e kanë dëgjuar këtë gjë më parë dhe jo pa arsye. Funksionon vërtet një frymëmarrje qetësuese. Përpiquni të merrni frymë me hundë duke numëruar deri në 3 dhe nxirreni ngadalë frymën nga goja. Përsëriteni këtë disa herë dhe do të ndiheni më mirë.

Shkruajeni atë gjë që ju ka shqetësuar
Ndonjëherë kjo është pikërisht ajo që ke nevojë kur ndihesh në ankth. Mjafton vetëm që ju po shkruani dhe kjo ju jep mundësinë të reflektoni për mendimet tuaja dhe të rifokusoheni.

Merrni një pushim
Kërkimet tregojnë se marrja e një pushimi gjatë ditës mund të rifokusojë mendimet tuaja. Një bonus është nëse ju e përdorni këtë pushim për të bërë një shëtitje pasi do t’ju qetësojë dyfish.
Ushtrimet fizike çlirojnë endorfinën, hormonin ë gëzimit në trurin tonë me të cilin ndoshta jeni familjar.

Bëni një dush me ujë të ngrohtë
Një dush i ngrohtë dhe i gjatë mund t’ju ndihmojë të qetësoheni. Një dush i ngrohtë ndryshon tempreaturën e trupit dhe e ralkson atë.

Telefonojini një miku
Ajo që mund t’ju duhet është një zë miqësor dhe i arsyeshëm. Socializimi me dikë tjetër mund të jetë i preferueshëm: një përqafim do ishte mrekulli, por edhe një telefonatë mund t’ju qetësojë. Ju mund të flisni me të se për çfarë jeni i shqetësuar dhe dhe që t’ju ndihmojë të largoni shqetësimin.

Ngjyrosni një libër
Duket se ngjyrosja është për fëmijë, por në fakt kjo mund të ishte në krye të listës. Kjo mund t’ju ndihmojë të qetësoheni dhe të largoni mendjen. Në çdo rast të ngjyrosni është gjë e bukur.

Burimi: Elite Daily; Përshtati: Klarida Bregaj

MOS I HUMBISNI