Mbrëmjen e djeshme, Ajola Xoxa rikujtoi të atin e ndjerë, këtë herë në ditën e tij të lindjes. Pranë një fotografie në Instagram, ku Xoxa shfaqet e lumtur përkrah tij, shkruhet:

“Gëzuar ditëlindjen ti shpirt i bukur. Të lutem gjej një mënyrë të kthehesh tek unë".

Që prej humbjes së babait, Ajola i ka dedikuar vazhdimisht postime. Dy javë pas ndarjes së tij nga jeta, Xoxa shkruante:

“U bënë më shumë se dy javë pa babin dhe ajo çka më mungon më shumë është ta përqafoj. Të gjithë ju që i keni prindërit pranë, thuajini sa shumë i doni dhe përqafojini fort, ashtu siç do të kisha dashur ta përqafoja tim atë tani. Për ju që i keni larg, merrini në telefon dhe bëni një bisedë të gjatë me ta. Asgjë nuk i gëzon më shumë se sa të jenë në praninë tuaj, e do të vijë një ditë që asgjë nuk do t’ju gëzonte më tepër se sa të ishit në praninë e tyre. Thesari i vërtetë në këtë jetë është familja.”

Publicisti Arben Xoxa, djali i shkrimtarit Jakov Xoxa, ndërroi jetë me 24 shkurt në moshën 67-vjeçare si pasojë e sëmundjes së kancerit.