Rreth një muaj më parë aktori i njohur Ben Affleck iu nënshtrua rehabilitimit për të luftuar varësinë ndaj alkoolit.
Ditën e djeshme ai është fotografuar në publik krejtësisht i shdërruar. Sipas burimeve për People 46- vjeçari tashmë është më në formë se më parë, ndonëse vazhdon të kujdeset fort për veten duke mbajtur një regjim strikt.
E megjithëatë beteja e tij me alkoolin nuk ka përfunduar ende, pasi varësia që aktori ka ndaj tij është shumë e madhe. Por pavarësisht kësaj, të gjithë të afërmit dhe miqtë e tij po përpiqen ta ndihmojnë 46- vjeçarin të kalojë këtë periudhë të errët.
Aktualisht thuhet se Ben po bëhet gati për angazhimin e tij në një film të ri, projekt që pritet të bëhet publik në fillim të vitit të ardhshëm.
