Adelina Ismaili ka patur kahera një trup super të tonifikuar, kështu që e prisnim këtë që ndodhi sot.
Vetëm dy muaj pas lindjes së fëmijës së saj të parë, Adelina Ismaili mund të postojë lirisht një foto me bikini në Facebook dhe të marrë mbi 7 mijë pëlqime, shpërndarje dhe mbi 200 komente në vetëm pak orë.
“Për qejf me dy çunat e mi.”, shkruan Adelina në foton ku duket në sfond biberoni i vogëlushit të saj.
Uliksi, fëmija i parë i këngëtares me Vali Krasniqin, erdhi në jetë në 18 prill. Ai ishte fryt i marrëdhënies 8-vjeçare mes këngëtares dhe menaxherit, që e rrëfyen për herë të parë dashurinë në janar të 2010-ës, në një editorial për Anabel.al.
Ajo është treguar shumë e rezervuar sa i përket djalit, duke mos e shfaqur atë publikisht në rrjetet sociale. Megjithatë, kemi këtë foto të parë familjare që u postua në Facebook nga Vali për të njoftuar ardhjen në jetë të vogëlushit.
