Për ta qartësuar që në fillim, ky artikull vlen më së shumti për ato që e kanë me dy mendje të bëhen ose jo bjonde, megjithëse lexojeni njëherë pasi mund të ndryshoni mendim edhe nëse jeni betuar të qëndroni përgjithmonë brune.
Në vijim kemi marrë shembull disa nga vajzat e famshme shqiptare që kanë qëndruar rehat tek nuancat e ngjyrave të hapura.
Ombre: të paturit kryesisht të dy ngjyrave drastike: një e errët (përgjithësisht nuancat e kafes) dhe një tjetër më të çelët. Ombre-ja nënkupton se i gjithë floku do t’i nënshtrohet procesit të lyerjes dhe se ka një vijë ndarëse të qartë se ku fillon njëra ngjyrë e ku tjetra. Prandaj ky model është një zgjedhje e zgjuar pasi qëndron te natyraliteti duke eksperimentuar me pjesën e poshtme të flokut.
Balayage: ndryshon rrënjësisht ngjyrën e flokëve duke sjellë një ndriçim total dhe theksim të ngjyrave. Nuancat bashkohet me njëra-tjetrën dhe ndryshe nga ombre-ja nuk ka një vijë ndarëse mes ngjyrave.
Shatush: është e ngjashme me ombre-n, por rrënja e flokut nuk lyhet dhe mund të jetë zgjedhja e duhur për flokë të shëndetshëm. Në të njëjtën kohë, nuk kaloni menjëherë tek ngjyrat bjonde pasi rrënjët natyrale krijojnë një efekt interesant. Pak a shumë duket kështu:
Babylights: kemi të bëjmë me mini-fije që imitojnë ato fijet e zbehta ngjyrë gruri që kishim në fëmijëri. Nuancat janë të këndshme dhe qëndrojnë afër natyrales.
Rrënjët e errëta: Gjithmonë nëse e keni me merak, mund të zgjidhni të mos e lyeni rrënjën e flokut, duke aplikuar bojë në pjesën e poshtme.
Pjesën e rrënjëve mund ta errësoni shumë
ose ta mbani në nuanca më të zbehta.
Në fund, për këdo që s’i ka me frikë eksperimentet, mund të provojë të parën “bjondllëkun” nga rrënjët tek maja e flokëve.
