Mund t’ju tingëllojë si një grupim fjalësh i pakuptimtë, por ja që midis një burri të gjatë dhe martese të lumtur ekziston vërtet një lidhje.
Pas studimeve të shumta, Kitae Sohn PhD në Ekonomiks vuri re se burrat e gjatë sigurojnë një martesë të shëndetshme, aq më tepër kur partnerja që kanë në krah është një grua e shkurtër apo maksimumi me gjatësi mesatare.
Sohn grumbulloi të dhënat e 7,850 grave dhe pa se lumturia e tyre ndikohej drejtpërsëdrejti nga gjatësia e burrave. Ai deklaron se gratë tërhiqen shumë nga meshkujt e gjatë, krejt instiktivisht. Aq shumë madje, sa vetë ato s’dinë ta shpjegojnë plotësisht arsyen.
Megjithatë duhet theksuar se sipas këtij studimi, gjatësia e burrit ndikon vetëm në 18 vitet e para të martesës.
Burrat e gjatë të japin ndjesinë e mbrojtjes
Studimi la të kuptonte se martesa mes një burri të gjatë dhe një gruaje të shkurtër ka përfitime të dyanshme, ose siç biologjikisht do të shpreheshim është një simbiozë e dyfishtë: burri e ndjen të detyrueshme ta mbrojë partneren e tij (në dukje të brishtë) çka edhe ia kënaq egon, ndërkohë që gruaja ndjen përkushtim dhe siguri në krahët gjigantë të tij.
Jo vetëm kjo, por sipas studimeve të shumta:
Burrat e gjatë janë më inteligjentë
Kanë të ardhura më të larta, për vetë faktin se aparenca u hap shumë dyer
Kanë një status të lakmueshëm social
