Martin Shkreli është zyrtarisht i papunë. Ai dha dorëheqjen si drejtor ekzekutiv i kompanisë që vetë krijoi, Turing Pharmaceuticals një ditë pas arrestimit për mashtrim të letrave me vlerë.
“Ne do të donim të falenderonim Martinin që na ndihmoi të krijonim Turing Pharmaceuticals dhe i urojmë atij më të mirat në përpjekjet e tij të ardhshme,” tha kryetari Ron Tilles, i cili është drejtori ekzekutiv i përkohshëm.
Shkreli ndërkohë iu kthye menjëherë medias sociale kur u lirua sërish pas një garancie prej 5 milion dollarësh. Të premten pasdite ai shkruajti në Tëitter: “I lumtur që jam në shtëpi, faleminderit për mbështetjen.”
Ai do të paraqitet sërish në gjykatë në datën 20 janar 2016 dhe pasaporta e tij është e bllokuar për shkak të lirimit me kusht.
32-vjeçari Shkreli u vetëdeklarua i pafajshëm për akuzat për mashtrim të ngarkuara ndaj tij.
Shkreli u bë shumë i njohur dhe njëkohësisht shumë i urryer për njerëzit pas vendimit të tij për të rritur çmimet e një mjekimi 62-vjeçar që përdoret nga të sëmurët me kancer dhe SIDA. Tani ai nuk do të jetë më në krye të Turing Pharmaceuticals.
Burimi: Daily Mail; Përshtati: Klarida Bregaj
