Në kohët antike, njerëzit i shihnin ëndrrat si shenja kuptimore që përmbajnë mesazhe hyjnore dhe kishin fuqinë për të ndryshuar historinë. Sot njerëzit ende kërkojnë kuptim në ëndrrat e tyre. Megjithëse metodat për të interpretuar ëndrrat kanë ndryshuar, dëshira jonë për t'i kuptuar ato është shumë e njëjtë.

Pse ëndërrojmë?

Ëndrrat janë përvoja shqisore që ndodhin teksa jeni duke fjetur. Në një ëndërr, shihni imazhe, dëgjoni tinguj dhe ndjeni ndjesi fizike. Ju mund ose nuk mund t'i mbani mend ëndrrat kur të zgjoheni. Studiuesit mendojnë se njerëzit ëndërrojnë për disa arsye:

1. Mund të ndihmojë në përpunimin e përvojave emocionale të jetës: Skanimet e trurit tregojnë se të njëjtat zona të trurit tuaj janë aktive si kur ëndërroni ashtu edhe kur keni të bëni me ngjarje jashtëzakonisht emocionuese.

2. Mund të sigurojë skenarë të përgjigjes në praktikë: Është e mundur që ëndrrat t'ju ndihmojnë të praktikoni se si t'u përgjigjeni skenarëve kërcënues në jetën reale.

3. Mund të ndihmojë në klasifikimin e informacionit të mbledhur gjatë ditës: Truri mund të përdorë ëndrrat për të renditur informacionin që keni mbledhur gjatë ditës, duke vendosur se cili informacion është mjaft i rëndësishëm për t’u ruajtur në kujtesën tuaj afatgjatë.

4. Mund të shërbejë për qëllime psikologjike, siç është zbulimi i ndjenjave të subkoshiencës: Disa studiues mendojnë se ëndrrat mund të shërbejnë edhe për qëllime psikologjike përveç atyre biologjike. Për shembull, ato mund të përfaqësojnë ndjenja ose dëshira që nuk i keni pranuar.

8 ëndrrat më të zakonshme dhe çfarë mund të nënkuptojnë ato

Fluturim: Nëse ndiheni të lumtur teksa fluturoni në ëndërr, një interpretim tipik është se po [ërjetoni një ndjesi lirie. Kjo mund të nënkuptojë që jeni ngritur mbi diçka në jetën tuaj. Nga ana tjetër, ndjenja e ankthit për fluturimin, mund të jetë e lidhur me nevojën për të shpëtuar nga diçka.

Të qenit zhveshur në publik: Një interpretim popullor i zhveshjes në publik në ëndërr është se diçka në jetë ju ka lënë të ndiheni më të ekspozuar ose më të pambrojtur nga sa dëshironi.

Ju bien dhëmbët: Frojdi e shihte këtë imazh si të kishte të bënte me një humbje të fuqisë. Por me kalimin e kohës, njerëzit e kanë zgjeruar kuptimin e kësaj ëndrre për të përfshirë një humbje të çfarëdoshme.

Ju ndjekin: Kjo është nga ëndrrat më të zakonshme që njerëzit përjetojnë. Një shpjegim popullor është se keni frikë nga diçka ose dikush në jetën tuaj dhe doni të largoheni në vend që ta ballafaqoni drejtpërdrejt.

Tradhti: Disa analistë të ëndrrave thonë se këto ëndrra kanë të bëjnë kryesisht me ndjenjën e pakënaqësisë me ndonjë aspekt të jetës ose marrëdhënies tuaj. Është gjithashtu e mundur që kjo ëndërr të përfaqësojë çështje të pazgjidhura që keni nga një tradhti e mëparshme.

Lindje: Nëse jeni shtatzënë ose lindni në ëndërr, mund të pasqyrojë një zonë të jetës suaj ku jeni duke përjetuar zhvillime, mundësi ose rritje të reja. Njerëzit shpesh e kanë këtë ëndërr kur janë në majën e një arritjeje ose historie.

Të shohësh në ëndërr dikë që ka vdekur: Ëndrrat me persona që kanë vdekur mund të jenë të fuqishme sepse takimet shpesh ndihen shumë reale. Disa njerëz besojnë se këto ëndrra janë një nga mënyrat sesi e pandërgjegjshmja ju ndihmon të përpunoni humbjen e dikujt.

Paralizë ose paaftësi për të folur: Kjo ëndërr është e ndryshme nga të tjerat. Studiuesit e gjumit kanë zbuluar një fenomen të njohur si REM atonia - një periudhë e shkurtër gjatë gjumit kur trupi është i paralizuar dhe nuk mund të lëvizë. Studiuesit mendojnë se kur zgjoheni para se të përfundojë kjo fazë e gjumit, truri mund të kuptojë që trupi nuk është në gjendje të lëvizë. Në momentet midis gjumit dhe zgjimit, mund të duket sikur thjesht po e ëndërroni.

Burimet: Healthline, Psychology Today