Foto: Heaven Mayhem

Trendet e çantave shpesh janë të paparashikueshme. Ato vijnë dhe shkojnë më shpejt se sa mund t’i ndjekësh praktikisht (ose financiarisht), por ka disa që duket se do të qëndrojnë më gjatë; çanta që ndihen personale, praktike dhe të përdorshme.

Kemi identifikuar shtatë trende kryesore që do të përcaktojnë vitin e ardhshëm, të cilat në vend që të ndjekin risitë e shpejta, po i përshtaten mënyrës se si njerëzit lëvizin në jetën e përditshme. 

Ja çfarë të vëresh dhe çfarë do të jetë me rëndësi këtë vit:

1. Çantat "e përdorura"

Çantat që duken të vjetra dhe të përdorura janë duke u rikthyer fuqishëm. Ato shfaqin një stil “të jetuar”, duke u dhënë karakter dhe sofistikim çantave të lëkurës.

2. Çantat bowling

Këto çanta rikthejnë nostalgjinë e viteve të mëparshme. Silueta e tyre e rrumbullakët, dorezat e shkurtra dhe hapësira e bollshme i bëjnë praktike dhe të këndshme. Mund të mbahen nga dorezat ose nën sqetull, dhe vijnë në versione të mëdha, të vogla ose të “çuditshme” për stil më të lirshëm.

3. Çantat me aksesorë të bashkangjitur

Zakonisht të vogla, këto çanta mund të personalizohen me zbukurime të ndryshme, nga çelësa dhe lapsa, deri te shishe uji, lule ose vegla pune. Ato pasqyrojnë një stil jete aktive dhe plot veprim.

4. Çantat e "aparatit fotografik"

Këto janë interpretime moderne të çantave utilitare. Forma kubike, xhepa të shumtë dhe ndarës të brendshëm i bëjnë praktike për përdorim të përditshëm.

5. Çantat cilindrike

Këto çanta kanë formë cilindrike dhe janë të frymëzuara nga çantat klasike “East-West”. Janë të holla, elegante dhe shumë praktikae, ideale për minimalistet.

6. Çantat me rrip

Çantat që lidhen me një rrip rreth belit ose çantës janë rikthyer. Ato ofrojnë një kombinim të stilit minimalist dhe të funksionalitetit, duke i bërë të përshtatshme për lëvizje të lira.

7. Çantat me fije të gjata ose të thurura

Këto çanta rikthejnë estetikën boho, që lidhet me vitet 1920 dhe më pas u bë e popullarizuar në vitet '60 dhe '70. Fijet mund të jenë prej lëkure të butë, të thurura ose me perla, duke shtuar një ndjesi bohemiane dhe të lirë.

Ky vit duket se do të sjellë një fokus te çantat që tregojnë karakter, përdorim dhe personalitet, duke kombinur nostalgjinë, prakticitetin dhe krijimtarinë.