Gjatë ditëve të nxehta të verës, të gjithë kërkojmë rehati dhe freski në veshje, pantallona të shkurtra, fustane të rehatshme apo copa të lehta. Por, ka disa stile pantallonash që rikthehen në modë çdo verë, pa përjashtim. Të rehatshme, të freskëta dhe gjithmonë elegante, këto pantallona janë po aq praktike sa edhe të bukura.
Bëhet fjalë për materiale të domosdoshme gjatë verës dhe temperaturave të larta, por pa sakrifikuar të dukurit bukur.
Më poshtë, do të gjeni 5 stile pantallonash verore që nuk dalin kurrë nga moda:
1. Pantallonat “pizhame”
Me copa të lehta dhe modele të larmishme, këto pantallona janë perfekte për përditshmëri. Kombinohen bukur me bluza pa mëngë, crop top apo këmisha të gjata të lirshme.
2. Pantallonat "culotte" (të prera shkurt)
Stil i preferuar për verën, falë gjatësisë praktike dhe prerjes së lirshme. Ideale për t’u veshur në qytet apo në udhëtime.
3. Pantallonat e bardha
E bardha është gjithmonë një zgjedhje e zgjuar për verën. Këto pantallona krijojnë një pamje të pastër dhe elegante, veçanërisht në "total white looks".
4. Pantallonat me vija
Inspiruar nga stili detar, këto pantallona sjellin atmosferën e bregdetit në çdo kombinim. Janë të lehta, lozonjare dhe shumë të bukura, sidomos për foto.
5. Pantallonat lino
Linoja është materiali më klasik i verës, i freskët dhe i gjithmonë në modë. Provojini në variante me bel të lartë, të gjera, të kombinuara me crop top ose këmishë të lirshme.
