Ndërkohë që tendencat ndryshojnë çdo sezon, ka disa ngjyra që nuk të lënë kurrë në baltë. Ato të sigurtat. Ato që ta bëjnë të lehtë punën edhe kur “s’ke asgjë për të veshur”.
Në vend që të ngatërrohesh me trende që zbehen sa hap e mbyll sytë, këto pesë ngjyra janë si investime të zgjuara në stilin tënd.
Dhe për më shumë frymëzim? Po, të gjitha i kemi parë te vajzat shqiptare përgjatë kësaj vere.
1. E bardha me të zezën
E bardha është klasike, por kurrë e mërzitshme. Të jep ndjesinë e pastërtisë, freskisë dhe është perfekte për kombinime të pafundme. E kombinuar me të zezën? Zgjedhja ideale.
Nga një këmishë unike te një fustan veror, e bardha me të zezën janë një go-to për çdo situatë.
2. Kombinime me nuanca të kafes
Ngjyra kafe e ngrohtë dhe tokësore të qetëson shpirtin si filxhani i parë i mëngjesit.
Mocha veçanërisht, është më shumë se një ngjyrë vjeshte – është ajo nuanca që i jep strukturë çdo look-u veror, sidomos kur kombinohet me të bardha, bezhë apo tone të lehta.
3. Nuancat e rozës/ lejlasë së lehtë
Rozë ose lejla e butë, por me stil. Është ai tonalitet që bën çdo veshje të duket më e kuruar, më e freskët dhe më në modë – pa qenë klishe.
Nga xhaketat e lehta te fustanet e lehtë të verës, kjo ngjyrë ka qenë kudo këtë sezon.
4. Nuancat e blusë
Kur të duket sikur e zeza është e tepërt për verën, provo navy-n, blunë e errët ose nuancat më të lehta të saj.
Janë nuanca po aq serioze, po aq elegante, por më të buta dhe më "të lehta" vizualisht. Kombinoje me të bardha, gri, gold apo ngjyra pastel.
5. E kuqja e ndezur
Nëse nuk e ke futur akoma në garderobë, është koha për një injeksion të kuqeje. Nuk ka nevojë për shumë fjalë, nëse do të dukesh një cherry bomb e vërtetë frymëzohu nga këto yje:
-
-
-
Veshjet më të bukura të trendit më nostalgjik të verës
8 Korrik, 09:05 -
Gjithçka që duhet të dish për trendin e vijave në thonj
7 Korrik, 09:32 -
Katër stilet e këpucëve që duhet të merrni me vete në pushime
7 Korrik, 08:22
