Foto: lucianecristinarodovalho/ Pinterest

Meqë festat janë shumë afër, presioni për të gjetur një partner para fundit të vitit është më i fortë se kurrë, për këtë fajësojmë “sezonin e lidhjeve të dimrit”. 

Për disa shenja të horoskopit, kërkimi për dashurinë do të shkojë për mrekulli, dhe sipas Adama Sesay, astrologe profesionale dhe themeluese e Lilith Astrology, gjithçka lidhet me atë që po ndodh në qiell.

“Afërdita në tranzit, planeti i dashurisë dhe romancës, është gjëja e parë që shikoj për të parë kur dikush do të marrë një shtysë në jetën e tij të dashurisë,” thotë Sesay. “Mund të shikosh edhe Marsin në tranzit, i cili përfaqëson dëshirën seksuale dhe shtysën.”

Kur këto dy planete punojnë në favorin tënd, bëhet pak më e lehtë të gjesh dashurinë, gati sikur shfaqesh në vendin e duhur në kohën e duhur. Mund të kënaqesh më shumë duke biseduar në aplikacione, të kesh takime të para më të suksesshme, ose të zbulosh se personi që pëlqen ti të pëlqen po aq. Madje është e mundur të kesh një takim “si në filma” teksa pret në radhë për çokollatë të nxehtë.

Ja cilat janë tre shenjat më me fat në dashuri këtë dhjetor:

Binjakët

Binjakë, përgatituni të rrëmbeheni nga dashuria. Sipas Sesay, Afërdita dhe Marsi do të jenë në kundërvënie me shenjën tuaj gjatë sezonit të Shigjetarit, i cili nisi më 21 nëntor dhe zgjat deri më 20 dhjetor.

Meqenëse Shigjetari është shenja juaj motër, pra shenja përballë jush në rrotën e zodiakut, do të thotë që këto dy plane­te të fuqishme po drejtojnë energjinë e dashurisë drejt jush. Jo vetëm që do të ndiheni më të hapur për të takuar dikë, por do të jeni më të frymëzuar të bëni hapin e parë, falë Marsit të zjarrtë dhe të vendosur.

Për ta bërë këtë të ndodhë, vazhdoni të ekspozoheni. Si shenjë ajri e sunduar nga Mërkuri komunikues, ju jeni mjeshtra të fillimit të bisedave, në publik apo në festa. Vazhdoni kështu. Dhe mos kini frikë të shkruani të parët në aplikacione. Ai guxim do t’ju sjellë pikërisht çfarë doni.

Shigjetari

Afërdita do të jetë në Shigjetar gjatë muajit tuaj të lindjes dhe Marsi po ashtu, gjë që do t’ju shtojë menjëherë dëshirën për aventura romantike, takime të nxehta dhe një lidhje më të thellë.

Dhe le të flasim hapur: mos u habit nëse e shkarkon Tinder-in në orën 2 të mëngjesit vetëm për të parë ç’ka ndodhur. Kush e di? Mund të takosh dikë që kërkon argëtim dhe të përfundoni në një romancë të vrullshme. Si shenjë zjarri e sunduar nga Jupiteri aventurier, ju e dini që gjërat shpesh funksionojnë më mirë kur fillojnë thjesht dhe shikoni pastaj si zhvillohen. Nëse keni një shkëndijë, Afërdita e ëmbël do të ndihmojë ta shtyjë përpara.

Nuk doni diçka serioze? Edhe kjo është në rregull. Në çdo rast, synoni të argëtoheni këtë dhjetor duke organizuar takime aktive. Mbajini gjërat të lehta dhe pa stres dhe fati do të jetë në anën tuaj.

Bricjapi

Afërdita dhe Marsi do të hyjnë në shenjën tuaj drejt fundit të dhjetorit, kur nis sezoni i Bricjapit më 21 dhjetor. Nëse filloni kërkimin që tani, jo vetëm që mund të gjeni dikë për ta puthur natën e ndërrimit të viteve, por edhe dikë për të folur në darkën e Krishtlindjes.

Si shenjë toke e sunduar nga Saturni serioz, ju e dini çfarë doni dhe punoni me strategji për ta arritur.

Këtë dhjetor, pse të mos humbni pak kontrollin dhe të shihni çfarë ndodh? Thojini “po” dikujt të papritur, shkoni në më shumë festa festive, ose provoni metodën 3-3-3, ku shkon në të paktën tre takime të para përpara se të marrësh një vendim. Mund të jetë formula juaj fituese.

Me Marsin seksi në shenjën tuaj, mund të jetë koha e duhur edhe për një flirt pa kushte, edhe nëse zakonisht nuk është stili juaj. Hapeni veten ndaj mundësive.