2006. Top Fest 3. Stine, veshur me dy nuanca të ndryshme të të bardhës, ngjitet në skenë dhe performon “Ishe ti.” I sapokthyer nga Gjermania, fitimtar i edicionit të parë të festivalit, Stine rrezikoi me këtë projekt. Deri në këtë moment, kishte publikuar këngë ritmike, lehtësisht të kërcyeshme. Prandaj miqtë, që i donin të mirën, rrudhën buzët kur dëgjuan baladën zemërthyese.
“’Ishe ti’ ishte kënga që më solli në treg. E çuditshme ka qenë se kur e kam nxjerrë në fillim, miqtë e ngushtë atyre që u besoja, [më thanë] ‘ku e gjete këtë këngë? Të kishe gjetur ndonjë më të bukur.’ Se kisha dalë me disa ritmike dhe pastaj rashë direkt. Atëherë s’kishte internet, s’kishte YouTube, e merrja vesh me shumë vonesë që kënga ishte pëlqyer. Rastisa në një kafe këtu afër, ishte vetëm një banakiere dhe një kamariere. Unë isha me kapele. I thote kamarierja banakieres, shiko sa këngë e bukur kjo se po transmetohej në My Music. Unë ngre kokën, shoh ç’këngë e bukur është kjo, kur shoh veten aty. Pagova dhe ika. Aty ishte impakti i parë që kënga ishte pëlqyer se ato nuk e dinin që isha unë aty,” tha Stine, sot në mëngjes në “Wake up.”
“Ishe ti” është legjendare vërtet. Ka diçka kjo këngë që i bën njerëzit ta dëgjojnë ende sot, pas 13 vitesh dhe të komentojnë në YouTube – siç është e detyrueshme – një fjali që nis me “Ishte koha kur...”
Madje, martoi një çift;
Për kënaqësinë tuaj, Stine me “Ishe ti.”
